Hænsnheimska þjóð!

Einu sinni birti ég hér ungæðislega þýðingu mína á Kanínunum sem ollu öllum vandræðunum. Sagan fjallar um úlfa sem hafa það margvíslega skítt og beita skarpskyggni æðri spendýra til skilnings á því að hverjum skít fylgir óhjákvæmilega og undantekningarlaust rassgat.

„Á skal að ósi stemma“ sagði Þrumuguðinn um leið og hann, hálfdrukknaður í hlandinu, kastaði grjóti í píkuna á skessunni.

Síðan eru liðin mörg ár og margt grjótið hefur flogið í átt að mörgum píkum.

Nú ætla ég ekki að fjölyrða um gæðalegan samanburð á því að drukkna í skít eða hlandi – mér nægir að benda á samsvörunina í lausnum Þrumuguðsins og rebbanna. Klipptu á kúkarann ef þú svamlar í saur; múraðu fyrir mígholuna ef hlandið er vandinn.

Í augum flestra er Davíð Oddsson, eða Davíð Oddson eins og hann er betur þekktur, kúkari. Sumir halda jafnvel að hann sé Kúkarinn, með stórum staf og greini.

Mér segir svo hugur að það séu litlir lortar, hálfgerð spörð, sem Davíð skýtur úr slöngvu sinni á raunverulega og ímyndaða óvini þessi misserin. Hann sé kanína en ekki skessa.

Við komumst sáralítið áfram í uppgjöri við fortíðina og þokumst ekki hætishót til framtíðar meðan þeir sem ráða landinu hugsa eins og fábjánarnir á moggablogginu, blogggátt fíflanna.

Ráðamaður sem deilir skoðunum með moggabloggara er eins og labrador sem lætur tjúa ríða sér. Það vantar ekki ákefð en tólin hreinlega duga ekki.

Ég veit ekki einu sinni hvort ég nenni að benda á allar veilurnar í málflutningi og hugsun stjórnvalda upp á síðkastið. Þið eruð flest of vitlaus til að gera nokkuð með það hvort eð er.

PS. Hvurn andskotann á það að fyrirstilla að blogggáttin hefur fjarlægt Mengellunafnið af listanum hjá sér. Varla taka þeir svona mikið mark á konungi fíflanna. Drullist til að setja það á sinn stað eða taka bloggið af listanum.