Sweet Home...
Þá hefur framsóknarmaðurinn komið upp í Bændahallarkóngunum og þeir fjúka eins og gisin lauf í vindi blásnum úr reykmettum lungum hugprúðs hvíts biflíubeltis feministahyskis. Við hverju er að búast hjá þjóð sem tignar trúbadúrinn, og fyrrum drykkju- og dópmógúlinn, Bubba? Er nokkuð Alabamalegra en það? Fólk sem flykkist í sveit á haustin, snarar rolluskjátur og dregur í dilka. Grípur svo andann á lofti þegar fólk kemur í bæinn sem ekki aðhyllist sama hræsnisfulla vammleysið - og hrekur það á brott. Kyndlar og heykvíslar ætti að vera nýtt lógó Bændahallarinnar.
Það er skömm að því að vera Íslendingur þegar skoðanakúgarar fá að vaða uppi. Þetta er sama helvítis smásálarviðhorfið og vildi banna svertingja á landinu, banna stuðandi listgjörninga, banna bjórdrykkju og banna bara allt, nema lífstíl sifjaspelltra biflíugasprara sem naga hnakkaspikið af hálshöggnum hrútum. Þetta er fólkið sem hataðist við Warhol og Dalí þangað til það varð móðins að telja þá einhvers verða. Sjóndeildarhringur þessa fólks er rauð skotskífa á hvirfli náungans. Andans ofbeldisseggir, kúgarar og versta þý.
Læt fylgja hér framsóknargræna mynd sem annað hvort er klám eða list. Það spaugilega er að það er engin leið fyrir klámfanatísku feministana að vita hvort er.
17 ummæli:
Það er ekki kona á myndinni og þess vegna er þeim alveg saman. - Góður pistill. Ég vildi að þú værir aðeins trúverðugri heilt yfir og skrifaðir undir nafni - þá hefðu góðu pistlarnir miklu meira vægi.
mjög góð grein og frábær mynd. Já láttu þá fá það óþvegið þessa andskotans grunnhyggju plebba sem allt vilja banna og hugsa fyrir líðinn, algerlega óþolandi ávani hjá þessu hyski.
skiptir ekki nokkru heilvitans máli hvort þú skrifar undir nafni Mengells eða öðrum nöfnum sem þú nefnist.
yndisleg lesning eins og oft áður.
Li
Mengella kann þetta með liprann og grípandi texta. Annað en Átþórinn sem á sínu bloggi er sífellt að minnast á tengsl sín við fólk sem hefur komist áfram í lífinu eða nýtur smávegis virðingar. Víða erlendis þykir lítið til þeirra koma sem eru sífellt að "neimdroppa". Þessi íslenski (ó)siður að vera sífellt að tengja sig til fólks sem hefur eitthvað til síns ágætis er af nákvæmlega sama toga. Er ekki eigið ágæti bara best?
Það er undarlegt að frjálshugsandi menn sem fyrirlíta skoðanakúgun - að þeir eru alltaf gegn skoðunum þeirra sem hafa aðrar skoðanir en þær sjálfir og hafa ekki þá gífurlegu yfirsýn að sjá villu síns vegar. Og undarlegt er einnig að þeir reka slíkt fólk alltaf út í sveitir og biblíubelti Ameríku ef þeim er annt um heiður eigin víðsýni. Þeir gera þó ekkert í því að berjast gegn þröngsýni nema blása í lúðra og með því að draga fólk í dilka, þrugla út í vindinn um tónlistarsmekk og fólk sem hlusti á þannig eða hinsegin tónlist – einsog vitgrannt fólk hópist um vissa tóna. Hvað hlustar þá hinn gáfaði hluti þjóðarinnar á og úr hvaða fylki í Bandaríkjunum væri hægt að segja að hann væri – slík tónlist hlýtur að vera til og fylkið góða einnig? Og ég vil einnig vita hvaða myndlist gáfað fólk þekkir til og kann að meta núna 2007 – þannig að frjálslyndi mitt og gáfur geta tekið stökk fram á við. Ef ekki eru til svör við þessum spurningum þá standa fyrri fullyrðingar á flugufótum. Ég vil svo að lokum enda þetta á því að segja að mér þótti úthýsing klámfólksins fyrir neðan allar hellur. En ég vil ekki úthrópa þá asna, enda verða þeir að hafa rétt á því að hafa eigin skoðun – hvort sem hún er þrýstingsmynduð eður ei.
Svör óskast um hina víðsýnu erkitýpu:
a. Tónlist?
b. Fylki?
c. Myndlist?
Óskaplega er þetta illa hugsuð (og enn verr skrifuð) athugasemd.
Hverskonar fíflahugmynd er á bak við það að þeir sem berjast fyrir frelsi til skoðana sýni það best með því að þegja? Þeir eiga einmitt að tjá sig, og tjá sig kröftuglega og mikið. Hættan kemur upp þegar þeir vilja varna öðrum þess sama réttar, hvað þá fæla þá úr landi. Það er skoðanakúgun. Hún er einmitt ástunduð í miklum mæli í þeim fylkjum BNA sem núverandi Bandaríkjaforseti myndi vilja búa í í ellinni. Það er snöggtum gáfaðara lið í fylkjunum sem hann þolir verr.
Hana, þar kom svar við einni spurningunni þinni.
Við hinum tveimur er það snautlega en jafnframt sárgrætilega sanna svar að þótt gáfað fólk njóti vissulega annarar tón- og myndlistar heldur en heimskt, þá verður þú ekki hætishót gáfaðari við að herma eftir því. Haltu því bara áfram að hlusta á Bubba og safna fyrir einu stykki Tolla. Það fer þér örugglega best.
Þetta er flókin samræða, ef ekki beinlínis þvælin.
Ljós þitt er undravert, afskræmdi Diogenes minn, og að halda að þvaður með upphrópunarstíl sem er nokkurs til æpandi – þ.e.a.s. pistill sem er með sama gasprandi tóni og hjá þeim sem barist er gegn – hafi eitthvað að segja í þessu máli er allt að því hlægilegt. Og að tengja mig við Bubba og Tolla er frumlegt af þér – hreint alveg einstök uppáfyndingasemi. Ef þú vilt hafa áhrif, og legðu nú pennabrodd á blað og skrifaðu þetta hjá þér, þá krotaðu þroskaðan pistil í blöðin, farðu út á götur með kröfuspjald eða gerðu eitthvað frumlegt í málunum sem kveikir ljós í hugum almennings. Jájá, orð eru til alls fyrst, jafnvel hér, en ef þú heldur að snjósamkundu-andstæðingar af húsi bændahallarinnar laumi sér inn á þessa síðu til að bragða á visku þinni þá ertu á villigötum. Árásir þínar eru líka alla daga ekkert nema gjammandi alhæfingar að hætti barna - og ef einhver nær að stinga kúbeini upp í þig og hella smá ljósi upp í þig, þá verður þú reiðari en andskotinn og smjaðrar á þér rassinn með hvað þú hefur gott vald á því að vera dómari yfir öðrum. Skoðanakúgun felst nefnilega líka í því að segja hvað sé rétt skoðun, víðsýni osfrv. Þeir ráða sem hafa völdin og hinir verða að mótmæla kröftuglega með sínum hætti og blása sig upp þar sem það á við. Hér inni eru aðeins skoðanabræður þínir, og ég er það í þessu máli, en að umgangast bara sína líka og klappa saman tönnum í góðra vina hópi og segja svo punktur, er frekar lélegt.
Og svo þetta: Að herma eftir skoðunum annarra á list er óhjákvæmilegt, hvort sem það er smekkur eða ástundun hennar, því einsog þeir sem velja sér Tolla til að stara á eða þínslega list, þá er smekkur manna alltaf kominn frá öðrum. Alveg sama hversu mikill einstæðingur sem þú þykist vera. Dómur um hversu góð sú list er eða vond er afturámóti í augum þeirra sem á hana hlusta eða horfa, og er annað mál, öllu víðfeðmara. En nokkuð er ég viss um að ef ég drægi eitthvert nafn úr hatti mínum, á myndlistarmanni eða tónlistar, og það væri þinn maður, þá fengi ég sömu útreið og ef ég mundi velja einhvern sem væri þér ekki að skapi. Því þinn guð er alltaf sá sem sagt er um: Það er ekki hann. Og þér lætur vel að gagnrýna í augum þeirra smáborgara sem vilja ýtrustu öfgar, en í augum reyndari manna ertu kjáni. Þar er stórmennska þín komin í öllu sínu veldi, því sá sem öskrar bara með vinum og hlustar aldrei á aðra, hann er staddur á vöggustofu hugmyndanna. Láttu því verða að því og skrifaðu pistill þar sem þeir sem hlut eiga að heimskunni sjá hann. En það gerir þú auðvitað ekki, enda guðsgeldingur...
Ég viðurkenni aftur á móti fúslega að fyrsta setningin mín hér að ofan var kúðursleg, og sumar aðrar líka, og að á þeim var mikill flýtisbragur, og kom til vegna þess að ég eyði ekki miklum tíma í þetta krot - jafnvel þó ég hafi lúmskt gaman að því.
Haltu því bara áfram að hlusta á Bubba og safna fyrir einu stykki Tolla.
Ég er enn að hlæja að þessari stórkarlalegu hnyttni þinni. Ég er orðlaus eftir svona uppístungu.
Þessi skrif, sem minna mjög á orðræðu Ingólfs Margeirssonar fyrstu misserin eftir heilablóðfallið (af kappi sem hæfði horfinni getu), eru nógu átakanleg til að vera lýsandi gott dæmi um höfund sinn.
#1
Þú segir að í stað þess að öskra skoðun mína upp í vindinn hvísli ég hana að jásystrum mínum og viðhlæjendum.
Það sýnir að þú hefur ekkert fylgst með skrifum mínum í gegnum tíðina eða lesið og ekkert skilið.
#2
Þú segir að öll listanautn sé lærð og eftir öðrum höfð.
Ég sagði að þú yrðir ekki hætishót gáfaðari af því að hlusta á tónverk eða horfa á myndverk sem þér gáfaðara fólk nýtur. Á milli þessara fullyrðinga er engin togstreita.
#3
Þú sakar mig um að skrifa á vettvang sem ekki er samboðinn þroskuðum gagnrýnendum. Ég eigi, vilji ég að mark sé á mér tekið, að sletta skyri eða veifa skilti eða skrifa í blöðin. Blogg sé fyrir óþroskaðar og ómarktækar smásálir.
Hver skyldi þá vera staða þess sem kýs kjallaraholur blogganna, kommentakerfin sem sinn orðræðuvettvang? Hví skrifaðirðu þetta ekki í hinn sómakæra Velvakanda? Ég get lofað þér að ég er dyggur lesandi þess merka bókmenntaverks.
#4
Að loknum skrifar þú stílbrot og ambögur þínar á það hve þú skrifir þetta hratt.
Um það er fátt að segja annað en það er berlega ljóst að þú lest jafnvel hraðar en þú skrifar.
Vissulega veit ég að menn hafa arkað hér inn og öskrað upp í eyrað á þér, verið á móti þessum öfgum þínum af og til (nema auðvitað þetta hafi verið ég í hinum ýmsu myndum), en ég held að enginn sem hér laumast inn sé á móti þessara bóndabeygju Hótel Sögu. Auðvitað kann svo að vera, en hafi tveir eða þrír mótmælt þér í huganum, þá þegja þeir enn sem komið er. Það væri annars ágætt að fá þá til að tjá sig hérna um sitt sjónarhorn – en ég býst við að fáir þori, enda mikið um skræfur í heimi bloggsins. En þú verður að skrifa í blöðin Mengele minn, og hafðu þetta með um Ingólf undir nafni (notaðu það t.d. um þá sem hafa ekki sömu skoðun og þú) – og athugaðu hvað margir tækju mark á orðum þínum. Þjóðin á þó rétt á því (haha) að þú útvarpir alheilagri skoðun þinni, því þinn er Stórisannleikurinn og Skoðunin. Og þetta hvernig þú setur þig á þann stall að hafa yfirsýn yfir æðra gáfnafar og að ég verði ekki hætishót gáfaðri við að kynnast smekk mér gáfaðri manna, er lituð af mannfyrirlitningu. Mig langar ólíkt þér að verða gáfaðri en ég er. En það er aftur á móti sjaldgæf eigind núorðið. Hrokagáfur eru auðfengnar, maður hlýtur þær með því að góla neðan að allir aðrir séu fífl.
Já, að skrifa svona á spássíu gasprara gerir mig sjálfan að gasprara, en ég neita því ekki að ég er slíkur fugl, enda gaman að því að æsa menn upp og fá blóðið til að renna, hjá mér og öðrum bæði.
Það er vissulega fallegt af þér að hafa áhyggjur af því að orð mín hljóti ekki næga útbreiðslu.
Bændahallarmannleysur eru hingað velkomnar og ekki ólíklegt að einhverjar hafi meira að segja lesið það sem ég hef skrifað. Þótt þær hafi ekki þorað að taka til orða. Enda myndi ég ekki hlaupa til þess sjálf. Málstaðurinn er svo glataður.
Jamm, mengella minnir á stórtalentið EÖN. Hann kann þetta að flakka milli stílbragða.
A.m.k. einhver mjög ungur. Ber vott um vanþroska að gera lítið úr þeim sem hafa orðið fyrir áföllum í lífinu.
Smart kenning, en hvernig skiptir þetta máli? Það er ekki einu sinni morðvopn hérinni. Hann og Snilldur gætu hafa vaktað Barnalandsrásina frá árinu 2005, eða hvenær sem Mengella varð til, og síðan notað þennan reit í stílæfingar sínar. Applause!
Glæpaskáldið
já já farið ekki að grenja, drífið ykkur bara sem snöggvast í standpínukeppni, er þetta eitthvað endalaust þras um hver sé gáfaðastur?? Tjah ég hef nú tónlistargáfu og menntun en ég sé það samt ekki að ég sé neitt öðrum fremri. Eða hvað, kannski er ég það bara. Já þið eruð púllar.
Það er athyglisvert að drjúgur hluti athugasemdafíkla krefjast að Mengella svipti af sér hulunni meðan þau hin sömu heita öll Anonymous.
Einnig á ég bágt með að skilja hvernig ein vefbók geti haft svo mikil völd að um skoðanakúgun sé að ræða. Sú hugdetta er eitthvað svo... tja... vitlaus.
Me and ozzy fucked harder, trying to show to my own god!
FUCK YES!' right before cumming inside my warm pussy. were still fucking
Also visit my web blog: hcg injections
Skrifa ummæli