Ísinn

Í kvöld brestur á heimsfrumsýning á innreið minni í poppheima sem fótnóta í fyrsta júróvisjónframlagi Dr. Gunna og Heiðu í ár. Það er lagið Ísinn sem mun keppa við framlag frá Magga Eiríks og Svölu Björgvins og borgin mun svoleiðis titra í kvöld meðan gömlu dýrin með stökku kransæðarnar hamast við að kjósa Magga, smákrakkar með útþanin sjáöldur eftir dvöl í Nammilandi Hagkaupa hamast við að kjósa okkur og hrokafulli hafnfirski fitubelgurinn hamast við að kjósa dóttur sína. Þetta verður því afar tvísýnt. Sem ætti ekki að koma að sök því það virðist stefna Rúv að tryggja að ekkert lag geti dottið úr keppni meðan enn má kreista nokkrar krónur úr vitleysingum.

Annars er lagið bara þrælsmellið og vinnur á við hlustun. Kæruleysissprauta úr hljómum um það sem knýr konur áfram, kaloríur og kynlíf. Afar djúpar pælingar og nýjungar í ljóðagerð íslenskri, undir þungum áhrifum af Glæpaljóðum Gutta.

Til að tryggja að vinningslíkurnar séu sem bestar hef ég stungið upp á því við Dr. Gunna að í bakröddum verði fimmtán manna mongólítagospelkór og að tvær augnalausar stúlkur standi á sviðsbrúninni, önnur með kerti og hin flytur textann á táknmáli.

Það myndi að vísu skapa örlítil vandamál ef lagið ynni því það ku vera fjöldatakmarkanir í keppninni sjálfri. En fyrst Gummi Jóns er tilbúinn að velja tvo, þrjá úr gospelkórnum þá hlýtur að duga okkur að fara út með sætasta mongólítan og aðra augnalausu stúlkuna.