20. september 2008

Nýi þátturinn á Skjá 1

Skjár 1 hefur verið iðinn við að veita til landsins kröppustu öldum ljósvaka erlendra þjóða. Ég sá nýjustu útgáfuna, örlítið stytta, í gegnum netið.

Þátturinn heitir Dægurflugan og er íslensk hliðstæða þáttarins The Biggest Loser.


Þátturinn er með léttu ævintýrasniði. Kynnirinn er í gervi kynhverfs búálfs, í hljómsveit eru svartálfar og söngvarar eru af blómálfakyni. Yfir hausum þeirra iða smáflugur á formi eróbikkþjálfara.

En auðvitað er þátturinn fyrst og fremst um keppendurna. Þeir eru, eins og eðli þáttarins gefur til kynna, akfeitustu bollurnar í brúnni sósu þjóðarinnar. Afkáralegar fituhjussurnar standa kiðfættar á sviðinu á meðan áhorfendur heima iða af andstyggð eða samhygð, eftir aðstæðum hjá hverjum og einum.

Það verður fróðlegt að fylgjast með framhaldinu.

Í öðrum fréttum er það að segja að það kemur vissulega ekki á óvart að nú hafi fyrsta lambið í netmunnsöfnuði af skóla Jóns Vals verið tekið á beinið fyrir að misþyrma börnunum sínum. Það sem kemur á óvart er að sérsveitin hafi ekki verið notuð til að gera hárrétt tímasetta innrás hjá öllum sköpunarsinnunum í einu. Nú eru hinir að losa sig við sönnunargögn á fullu.

4 ummæli:

Nafnlaus sagði...

Er Jónsi Bee?

Nafnlaus sagði...

Nei, gastu nú ekki látið mengelluna í friði? Þetta var flott blogg, áhugavert, enginn vissi hver þú varst og svo endaði þetta með smástuði í fjölmiðlum, afhjúpun og svona, og frekar egótískri lokafærslu. Og það var bara flott.

Það sem er hinsvegar hrikalega dapurt er að þú getir ekki sleppt hendinni af þessu, eyðir út kveðjufærslunni (bara eins og stebbifr) og haldir svo áfram með nafnlaust blogg sem er ekki einu sinni nafnlaust lengur, sífellt reynandi að ganga meira fram af fólki til að einhver nenni að kommenta á þessar færslur þínar.

Þú ert eins og hljómsveit sem fattar ekki að hætta á toppnum og heldur bara áfram þangað til færri og færri nenna að hlusta á hana þangað til að lokum öllum finnst hún sorglega hallærisleg. "It's better to burn out than to fade away" eins og maðurinn sagði.

Mengella sagði...

jahérna, hvað þetta er beitt skot.

Hörkuduglegur iðnaðarmaður sagði...

Ótrúlega beitt og maður þekkir stílinn. Ég styð endurkomuna heils hugar og fagna þér, þó að ég sé enn svolítið sár yfir því að þú skulir ekki vera kvenkyns. En ég meina vá. Bráðum erum við eign alþjóðagjaldeyrissjóðsins (þetta er orð sem ég lærði bara fyrir nokkrum dögum, segiði svo að kreppa mennti ekki þjóðina) og við þurfum aðeins fleiri heilasellur heldur en þær sem Stebbifr hefur yfir að ráða.
Komdu fagnandi.