BL + Eyvindur, Magnús, Jackson og Hitler
Það er kannski að æra óstöðugan (no pun intended) að halda áfram að fjalla hér um Eyvind Karlsson. Eyvindur er reiður og Eyvindur er sár. Það er í sjálfu sér skiljanlegt. Öll samræðan við mig og orðræðan um mig (en það var tilvitnun í mig á síðu hans sem hrinti mér af stað hér) er hins vegar lituð misskilningi, einhvers konar einkennilegri andlegri þoku sem kemur í veg fyrir að hann leiði saman forsendur og niðurstöður; sjái rök eða skort á rökum. Eyvindur á síðan meðvirka vini sem þjást af sama kvilla.
Barnaland er merkilegur staður. Einhvers konar ódæll litli bróðir moggabloggsins. Þar hangir fólk sem hefur tíma að drepa. Sumir af því að það stenst ekki kröfur veruleikans, aðrir af því að veruleikinn stenst ekki kröfur þess. Þar eru ansi hreint hrottalegir húmoristar (og skal ég fyrst allra gefa mig fram) sem hafa gaman af að tala um týnd gæludýr og loðkápur í sömu andránni; pastora og endaþarmsmök og annað slíkt. Svo eru þarna taugaveiklaðar en velviljaðar húsmæður sem standa móðar með tilkynningartakkann í höndunum (ígildi sápustykkis fyrir munn kjaftforra Barnlendinga) og hamast á að fordæma og kjafta frá öllu misjöfnu. Loks höfum við útspýtta vefstjóra með blæðandi magasár sem reyna að halda öllu frá hruni (líklega vanþakklátasta starf heims). Ég hef persónulega eytt álíka tíma í banni frá vefstjórum á Barnalandi og úr banni. Flestum skemmtilegustu umræðunum sem ég hef tekið þátt í hefur verið eytt. Stundum þarf ekki annað en að skrifa pistil á við þann sem er neðst á þessari síðu (ég fékk bann fyrir hann), en yfirleitt er ég bönnuð fyrir að segja það sama og Eyvindur er að gefa í skyn, þ.e. að á Barnalandi sé offramboð á hvítu hyski.
Ég gleymi að vísu síðasta þjóðfélagshópnum í greiningu minni, sem eru örvæntingafullir karlmenn með daufan ávæning af tölfræðiþekkingu í hausnum og halda því að ef þeir hangi á BL nógu lengi innan um allar þessar konur, þá hljóti þeir að komast á séns. Einn slíkur er testósteróntröllið og línumaðurinn Sigfús Sigurðsson sem lengi vel sat fyrir klofblautum kerlingum á BL, en hefur nú blessunarlega fundið sig í að káfa á öðrum karlmönnum í Mið-Evrópu.
Þegar einhver tekur sig til og líkir Magnúsi Scheving við Michael Jackson (sem Eyvindur telur greinilega ekki pedófíl miðað við nýjustu ummæli) og Adolf Hitler og kallar Latabæ barnaklám; grínast að auki með dáin börn vinna sinna (er það barnið í krukkunni, herra Mokk?) þá blöskrar mörgum á Barnalandi. Sumum er skemmt en aðrir hafa sáralítinn húmor fyrir slíku. Enginn á Barnalandi gekk þó svo langt að líkja Eyvindi við Hitler eða, það sem verra er, Jackson fyrir ósköpin. Og ég hló.
En ég hætti að hlæja þegar Eyvindur fór að væla. Fór að væna Barnaland um að hafa „tilhneygingu“ (sic) til að ráðast að hinum mjúka kjarna manna eins og hans. Gömul vinkona, sem finnst hann ógeð - varð til þess að allt í einu varð netið hættulegt.
Þetta er auðvitað ekkert nema hræsni. Eyvindur veit nákvæmlega að hann er ekki í neinni aðstöðu til að barma sér undan orðum annarra. Hann sagði að Unnur Birna (heitir hún það ekki?) væri forheimskuð og illa upp alin barbídúkka, hann sagði að Maggi Scheving hefði sömu girndir til barna og Michael Jackson og hann hefur kallað nafnkennt fólk fífl. Og hann hefur gert margt fleira.
Vinir Eyvindar - en það er ágætt úrval þeirra í athugasemdunum við síðustu færslu - eru stórundarlegt lið. Einn ber sig undan því að hafa þóst vera vergjörn, feit kona en jánkar því að hugsa stundum um sig sem kynkalda hóru, einn er bara trúður (og ágætlega skemmtilegur sem slíkur), annar er hin meinta vergjarna fitubolla sem girnist Eyvind og geymir ávexti lenda hans í krukku heima hjá sér, og svo er ein nöldrandi stelpa. Eyvindur sjálfur er málóður og með þráhyggju um að koma hverri einustu af sínum þokukenndu hugsunum á framfæri.
En af þeim öllum skín eitt, skært, sameiginlekt einkenni. Þau eru öll það sem á hressilegri íslensku kallast eineltir ræflar. Og þetta meina ég í besta mögulega skilningi þess orðasambands. Einkennin eru ósannfærandi mikilmennskuhjal í bland við djúpa sjálfsvorkunn og viðkvæmni fyrir andlegum erfiðleikum, gróið hatur á öllu og öllum sem geta flokkast sem hipp og kúl - og óagað, hálfkarað menntaskólaskopskyn.
Í vafrabókamerkjum mínum eru m.a. tveir flokkar. Annan má kalla „Klikkhausar sem fatta djókinn“ og hinn „Klikkhausar sem fatta ekki djókinn“. Í þeim fyrri er Eyvindur. Í þeim seinni eru m.a. Snældubilaði Veffangarinn, klámfíkillinn í Netsögu, Arngrímur Vídalín og Ágúst Borgþór.
Eftir þessar umræður hef ég ákveðið að færa Eyvind yfir í seinni flokkinn.
23 ummæli:
Hvort er ég, trúður eða hirðfífl? Skiptir kannski ekki miklu enda voða svipaðir starfstitlar
Má ég ekki frekar bara vera vitleysingur?
Þú? Ég hélt að þú værir barnið í krukkunni!
Þú ert sprenghlægileg, reyndar. Bara ekki eins og þú heldur.
Sorrý, en það er ekkert í þessu sem meikar nokkuð sens. Mér finnst það koma úr hörðustu átt að þú segir að ég hlusti ekki á rök. Þú ert enn að tönnlast á því að ég sé vælandi og að ég hafi kallað Magnús Scheving barnaníðing. Hvorugt á sér nokkra stoð í raunveruleikanum. Ég gerði athugasemd við frekar andstyggileg ummæli, þá aðallega um vini mína. Hvað varðar það sem stendur í pistlinum mínum um Pétur Pan heilkenni finnst mér stórkostlegt að þú skulir skilja það sem samasem merki við barnaníðingsskap. Ég veit ekki til þess að Michael Jackson sé barnaníðingur, enda hefur hann verið hreinsaður af slíkum ásökunum. Ég er bara að benda á að barnaskapur sé ekki endilega það sniðugasta í heimi, ekki annað. Ég frábið mér svona vitleysu, og þá sérstaklega að fólk sem hefur ekkert gert af sér annað en að vera vinir mínir sé dregið í þetta viðbjóðssvað ykkar með háþróaða húmorinn. Og það að lýsa mér sem hræsnara og fávita fyrir að gera athugasemdir við það að vegið sé að vinum mínum lýsir í besta falli fullkominni heimsku af þinni hálfu. Og hræsni. Ætlar þú að segja mér að þú verjir ekki vini þína þegar ómaklega er að þeim vegið? Ef svo er ertu jafnvel enn óvandaðri manneskja en ég hélt.
Ég hef annars ekkert á móti því að vera í hópi með Ágústi Borgþóri. Hins vegar skjátlast þér varðandi hann. Ágúst fattar djókið. Heldur betur. Það versta er að húmorslausir fatta ekki djókið hjá honum.
Annars óska ég þér bara góðs gengis á grínbrautinni. Endilega líttu við í kaffi við tækifæri.
Eyvindur,
1. Af Wiki: "The Peter-Pan psychological type is one characterized by immaturity or certain sorts of psychological, social, and sexual problems."
En gott og vel. Látum gott heita, þú heldur því fram að Magnús Scheving komi fram við börn á jafn heilbrigðan hátt og Mikki Jakkson. Það er bara hending að samskipti hans við börnin eru í því sem þú kallar „barnaklámmynd“.
2. Ég dró vini þína ekki inn í neina umræðu. Ég minntist á kærustuna og talaði fallega um hana. Vinir þínir trönuðu sér fram sjálfir. [Þokan, Eyvindur, þokan!]
3. Ágúst Borgþór er djókið.
„Ég veit ekki til þess að Michael Jackson sé barnaníðingur, enda hefur hann verið hreinsaður af slíkum ásökunum“
Ég er enn að hlæja.
a) Tja.. Já. Í það minnsta á Eyvindur vini sem styðja við hann þegar þeim finnst að honum vigið og ég tel það hljóta að teljast sem einhverskonar umsögn um hans karakter.
b) Mokk er Danskur framburður íslenskra bavíana (sem eru ennþá undir rauðhvíta fánanum andlega)á Sleisvíkur Hólsetalendsku nafni sem borið er fram Ma-ahck. Maaaaak eins og í 'að maaakaaaaa'. Maaaka. Ekkert o þar á ferð.
c)Þórhallur þriðji er í krukkunni. Við drápum hann með grænmettisáti.
Jæja, gott að þú getur enn hlegið að mér.
En jæja... Ég ætlaði að reyna að forðast að þurfa að ÚTSKÝRA brandarann, en þú ert greinilega ekki að ná þessu. Gott og vel, það má misskilja barnaklámstalið þegar þetta er lesið (enda var ég alltaf mótfallinn því að pistlarnir væru birtir svona, vildi bara hafa þá eins og ég las þá í útvarpið, en það var eitthvað vesen). Það sem ég átti við með því að kalla Latabæ barnaklám var að þetta væri eins og klám fyrir börn - BARNAklám. Með því á ég við að óhófið sem er til staðar í klámi sé til staðar í Latabæ. Hér er nota ég orðið klám semsagt í sömu merkingu og það er notað í hugtökum á borð við tilfinningaklám. Þetta má víst misskilja á prenti, en í lestri held ég að þetta hafi verið nokkuð augljóst. Gott og vel.
Ég sagði hvergi að Magnús Scheving kæmi fram við börn eins og Michael Jackson. Enn kemur dapur lesskilningur þér í koll, mín kæra. Ég sagði bara að þeir væru haldnir sama heilkenninu. Sem átti að lesa sem: Barnaskap. Auk þess verð ég að ítreka það sem ég er búinn að segja átjánþúsund sinnum of oft: Ég er að gagnrýna Latabæ og Magnús Scheving sem opinbera persónu. Ég dreg einkalíf hans ekki inn í þetta á nokkurn hátt. Skítkast Barnlendinga hefði líka verið í góðu lagi, ef persónuleg ummæli um mitt þunglyndi, foreldra mína og vini hefðu ekki blandast inn í þetta. Hugsaðu aðeins um þetta, og ef þú sérð ekki muninn mæli ég með því að þú hættir alfarið að tjá þig. Ekki bara um þetta, heldur bara yfir höfuð. Þig skortir þá augljóslega grundvallarskilning á eðli mannlegra samskipta, og þyrftir að kynna þér slíkt áður en þú opnar munninn eða styður fingrum á hnappa aftur.
Og hvað ert þú að tala um þoku? Dróst þú vini mína ekki inn í umræðuna? Þau tjáðu sig um málið á sínum eigin vefsíðum og minni (jú, og með einum frekar misheppnuðum brandara á Barnalandi, sem var þó gríðarlega augljóst að var djók). Þú dróst Kristján Atla inn í þetta, þú byrjaðir að skjóta ómaklegum skotum að vinum mínum, með því að kalla Kristján sköllóttan smásvein og fórst meira að segja að skjóta á Þórhall, sem hafði ekki sagt aukatekið orð fyrr en þú dróst hann inn í þetta.
Og þótt þú hafir ekki sjálf dregið foreldra mína inn í þetta gagnrýnir þú mig samt fyrir að finna mig knúinn til að segja eitthvað við því þegar farið er að drulla yfir þau, sem gerðu ekkert af sér annað en þið Barnalandsbörnin - að fjölga sér.
Eins og ég segi sárnar mér það að dregin séu upp mál úr mínu einkalífi og notuð til að drulla yfir mann sem þú þekkir ekki, en þó aðallega að vegið sé ómaklega að vinum mínum, sem eru vandað fólk sem á svona lagað ekki skilið. Og ekki tala um þoku og að þú hafir ekki byrjað. Þú ert búin að mála þig sem nógu mikinn kjána fyrir - ekki gera illt verra.
BTW... hver ert þú annars? Heitiru eitthvað ertu bara nafnlaus skræfa sem hefur efni á því að dæma allt og alla?
Eyvindur,
mikið vildi ég að þú myndir kneppa stíl þinn.
1. Mér fannst Latabæjarbrandarinn fyndinn. Að vísu dálítið hroðvirknislega fram settur en skemmtilegur. Þú þarft ekkert að útskýra kaldhæðnina fyrir mér.
2. Þetta snýst bara um eitt: til er fólk sem fannst þú fara yfir strikið -> það reiddist -> það sagði hluti um þig sem -> eru ekki verri en það sem þú hefur sagt um aðra. Ergo: heilög vandlæting þín er óréttlætanleg.
3. Það að talað sé um fjölskyldu fólks og vini. Nú skulum við rifja upp:
Blandaðir þú móður Unnar Birnu inn í gagnrýni þína á opinbera persónu Ungfrúar heims?
Já eða nei, Eyvindur?
Blandaðir þú greind Unnar Birnu og heilastarfsemi í gagnrýni þína?
Já eða nei.
Ef svarið er já við spurningunum hér að ofan er það sannarlega ekki ég sem á að halda kjafti.
Herra Mokk,
svo ég svari spurningu þinni:
„Heitiru eitthvað ertu bara nafnlaus skræfa sem hefur efni á því að dæma allt og alla?“
Já
Herra Mokk,
a) það er aldrei að vita nema vinir Mengellu stígi fram, telji þeir að henni vegið. Þeir hljóta þó að sjá að hún er fullfær um að sjá um málin ennþá á eigin spýtur.
b) það er við hæfi að benda málhreinsunarundri eins og þér á það að „Danskur“ og „Hólsetalendsku“ eru með litlum stöfum í íslenskri stafsetningu. Annað eru lágþýskar leyfar, lágþýskra manna - eins og einmitt herra Mokk.
Má vera að ég hafi stafsett vitlaust, enda um ýmislegt að hugsa þessa stundina. Síðast þegar ég vissi var Sleisvíkur-Hólsetaland ekki lágþýzkt... og það er eins langt suður og ég á ættir að sækja.
Aftur, svo ég bendi þér á DÓNASKAPINN við það að stafa nafnið vitlaust þá er ekki eitt einasta o í Maack og mér þætti vænt um að þú færir ekki að draga ektaskap minnar annars eðlu ættar inn í þessa umræðu með því að saka hana um að vera mock-ætt, eða háðs/gervi ætt uppá engilsaxnesku.
Ég bið annars að heilsa Dr. Mengele, við áttum ágætis samræður um krukkubörn eins og sjálfa þig síðast þegar við hittumst í S-Ameríku...
Herra Mokk,
ég er alveg rasandi á hvað þér eruð góðir í ensku.
1. Nei, ég blandaði móður Unnar Birnu ekki inn í umræðuna. Það gerði Unnur Birna sjálf, þegar hún fór að birtast í blaðaumfjöllunum með móður sína sér við hlið. Þar tengdi hún móður sína við sína opinberu ímynd. Það hef ég aldrei gert, og meira að segja forðast.
2. Ég talaði um greind fegurðardrottninga sem slíkra, og notaði það sem skot á gildi téðrar keppni, sem tekur útlit fram yfir innra byrði keppenda. Það er vitað mál að Unnur er bráðgreind, í lögfræðinámi og allt það. Ímynd hennar sem fegurðardrottningar er á hinn bóginn einvörðungu að brosa innihaldslausu brosi og vera sæt.
Auk þess lýsti ég yfir ákveðnum bakþönkum yfir Unnar Birnu málinu á sínum tíma, þar sem ég áttaði mig á því að það hefðu verið mistök að ávarpa hana með nafni í stað titilsins „Ungfrú heimur.“ Þetta áréttaði ég, enda þekki ég nákvæmlega ekkert til hennar og hennar persónulegu haga, utan við það sem birst hefur í fjölmiðlum.
Eyvindur,
„Nei, ég blandaði móður Unnar Birnu ekki inn í umræðuna. Það gerði Unnur Birna sjálf, þegar hún fór að birtast í blaðaumfjöllunum með móður sína sér við hlið.“
Segir allt sem segja þarf.
Einmitt. Enda sagði ég ekki meira.
Jú, þú sagðir nú eitthvað fleira.
Eru þið tvö nokkuð gamlir elskhugar sem voru saman í íslensku eða bókmenntafræði.....þið eru bæði með svo gott vald á íslenskunni, og svo rökræðið þið eins og þið séuð að reyna að hylja að þið séuð í raun ástfangin..
Ég get sagt það sem bjargfasta einlæga skoðun mína að það má skjóta alla bókmenntafræði- og íslenskunema, núverandi og fyrrverandi.
Svo þykir mér Eyvindur ekki hafa neitt átakanlega gott vald á íslensku.
Eyvindur,
svona að lokum. Manstu eftir þessu?
„En mér finnst samt að SkjárEinn þurfi að koma með mótvægi við þetta. Ég gæti til dæmis tekið það að mér. Þá á ég ekki við afhnökkunar þátt. Nei. Þátturinn myndi ganga út á það að í hverjum þætti myndi ég setjast upp í Hummer jeppa og elta uppi einn hnakka, keyra á eftir honum á Hyundai Getzinum sínum, stoppa hann, rífa hann út úr bílnum, snúa hann í götuna og drepa hann. Þarna yrði brotið blað í sjónvarpssögunni, og við gætum auk þess losnað við leiðindaeinstaklinga. Við myndum að sjálfsögðu byrja á Gilzenegger*, og svo eru efnistökin nokkurn veginn óþrjótandi. Við getum tekið Ásgeir Kolbeins*, Svala*, Þröst 3000*, Heiðar Austmann* og svona mætti halda áfram í mörg ár. Í hverjum þætti mætti nota nýjar og frumlegar aðferðir við aflífanir, og í sérstökum jólaþætti myndum við klæða Einar Bárðarson* í jólasveinabúning og hengja hann - það væri snilld að sjá líkamann rifna frá hálsinum og svo myndum við dansa og syngja“
* Þessi persóna er ekki til í raun og veru. Hún er aðeins til á prenti og í ljósvakamiðlum. Óskir um ofbeldi eru því ekki gagnvart fólki heldur ímynduðum verum.
Hvaða hvaða, er Eyvindur hættur að tjá sig?
Hann er kannski búinn að komast að því að það er best fyrir hann að þegja. Verst fyrir hann að hafa ekki fattað það fyrr.
Skrifa ummæli