911
11 september 2001 er einhver skemmtilegasti dagur sem ég hef lifað. Ólíkt hundleiðinlega BBC-sakamáladramanu sem leitin að Maddie er (ég er farin að líta á Maddie sem örlítið loðnari útgáfu af Lúkasi) var dagurinn þrunginn spennu, óvæntum uppákomum og stigmagnandi kátínu. Ellefti september víkkaði út sjóndeildarhringinn inn á lendur þess mögulega.
Ég sat á fundi þegar mér barst sms. Þar stóð: „Flugvél flaug á world trade center“. Ég átti ekki kost á því að fara af fundinum en ímyndunaraflið var virkjað. Í fyrstu reiknaði ég með að um slys gæti verið að ræða en síðan bættust við fjölmörg ný skilaboð, hvert öðru æsilegra, uns úlfaldi var orðinn úr mýflugu og bandarísk lofthelgi svoleiðis stútfull af morðvörgum á flugvélum. Þegar fundarhlé var gert hópuðumst við nokkur saman við lítið útvarpstæki og soguðum í okkur upplýsingarnar.
Dásamlegur dagur. Dásamlegur tími sem fór í hönd. Al Kaída verður ekki sakað um skort á smekkvísi og stíl.
Múhameð Atta er hinn nýi Gavríló Prisipp. Tvíburaturnarnir eru erkihertogahjónin. Við erum stödd í þriðja heimsstríði. Í því fyrsta unnu hryðjuverkamennirnir. Það bendir ekkert til þess að svo verði ekki nú.
4 ummæli:
Djöfull ertu klikkuð.
Gavrilo Princip er það heillin!
"Dásamlegur dagur. Dásamlegur tími sem fór í hönd."
ég brosti útí annað þegar ég las þetta
ég man þennan dag mjög svipað og þú, það var ómæld spenna í loftinu og allir höfðu strax ýmsar kenningar í frammi, ein var sú að Bandaríkjastjórn hefði staðið fyrir þessu sjálf. Þegar sex ár eru liðin þá er það ennþá umhugsunarefni.
Ég sá seinni flugvélina fljúga á turnana í beinni, ég sagði "Vááá!" brosandi allann hringinn og með gæsahúð, ef Godzilla hefði birst á svæðinu í kjölfar flugvélarárásarinnar og farið að stappa á skriðdrekum hefði það ekki komið mér nokkurn skapaðann hlut á óvart.
Valtýr/Elvis2
Skrifa ummæli