„Hættu, hættu, hættu að sleikja píkuna mína.“

Við búum í gölnu landi. Fertugur perri laumast inn um glugga að nóttu til og finnur fimm ára stúlku sofandi í örmum ömmu sinnar. Og hann tekur þá litlu úr buxunum og sleikir á henni pjölluna þar til báðar vakna.

Þá fellur dómur í málum beggja Byrgishjónakornanna í sama vetfangi. Helga dólgsnautur Járnherranns gerðist svo óforskömmuð að kæra dévaff og fórnarlömb sín því fyrir óviðurkvæmilegt orðalag í sinn garð. Fórnarlömbin sögðu hana hafa tekið þátt í fjörinu, haft hug á einkatímum með þeim, hafa verið í vangæfu hjónabandi og vera skítakarakter sem ekki ætti að starfa á grunnskóla.

Dómarinn hafnar flestum kröfum Helgu. Þátttaka hennar var rækilega skilgreind í báðum dómum yfir manni hennar. Hún var með. Dómstóllinn hefur skorið úr um það. En síðan segir dómarinn að þrátt fyrir allt þurfi nú fórnarlömbin að gæta hófs og ummælin: „[...] þessi manneskja er kolrugluð. Ég get ekki séð að hún hafi nokkuð að bjóða sem stuðningsfulltrúi eða í hjálparstarfi yfirhöfuð. Ég veit ekki hvað hún er að gera í þessum skóla [...] ekki við hæfi að sú sem veiðir fyrir hann vinni í grunnskóla“ séu í senn óviðeigandi og aðdróttun um að hún hafi gert eitthvað ólöglegt þegar hún flengreið fórnarlömbum manns síns.

!

Hvers vegna í fjandanum var þessi Helga ekki ákærð með manni sínum?

Hvernig getur verið rétt að kona sem ítrekað tekur þátt í misnotkun á ógæfufólki skuli starfa með börnum? Og það án þess að hafa nokkru sinni gengist við sínum hlut í málinu?

Það eina sem getur réttlætt það að þessi kerling fari ekki í fangelsi er ef hún er sjálf fórnarlamb. Sjálf sauðringlað barn í höndunum á þeim óþverra sem maður hennar er. Og það vekur líka spurningar um hvort hún ætti að starfa í skóla eða hjálparstarfi.

Í það minnsta ættu dómstólar ekki að vera meðvirkir í þeirri þöggun sem hún vildi fá fram með kærunni. Sektardómurinn er rugl.

Á Íslandi er hægt að kæra þig fyrir að koma ekki fólki í nauð til hjálpar. Það á auðvitað að vera refsivert að auka á neyð fólks með þeim hætti sem Helga gerði.

Það á að ákæra Helgu strax.