14. desember 2008

Hefndin er sæt


Thomas Gilan er 46 ára. Myndarmaður eins og færslan ber með sér. Hann lenti upp á kant við konuna sína og þau skildu.

Nema hvað, hann skellti sér á stefnumótasíðu og birti þar nektarmyndir af frúnni. Þegar hann hafði sökkt önglinum í einhverja þá dólga sem líklegir voru til afreka tilkynnti hin falska frú að hún ætti sér enga fantasíu æðri en að sviðsetja nauðgun. Að sig langaði óskaplega til að vera heima að vaska upp þegar það væri dinglað. Hún færi til dyra og þar stæði hár og ruddalegur karlmaður. Hann myndi ryðjast inn og rífa hana úr fötunum. Sjálf myndi hún emja og æpa og þykjast voðalega hrædd. Hann myndi svo koma fram vilja sínum þrátt fyrir áköf mótmæli. 

Vafalaust hefur hún haft eitthvað öryggisorð. Ég held það hafi verið „flottur jakki“.

Engin ummæli: