Dauðavaktin 2009

Fræga fólkið hrynur niður eins og flugur. Það gefur okkur von um að árið 2009 verði ár Dauðavaktarinnar. Henni er hér með hleypt af stokkunum. Leikurinn er keppni um Helgrímuna, verðlaunagrip sem ég hannaði sjálf. Sá hlýtur Helgrímuna sem fær hæstan stuðul þegar dauðsföll ársins 2009 eru rakin saman.

Sjálfsmorð og manndráp ógilda andlát.

Stinga má upp á hverjum sem er og stuðull er ævinlega einn komma fæðingarár.

Stuðlar eru margfaldaðir saman og mynda heildarstuðul. Aðeins eru taldir stuðlar þeirra sem hafa rétt fyrir sér um ÖLL andlát sem þeir spá fyrir.

Hægt er að senda mér tölvupóst á mengella@gmail.com eða setja pjásu í pjásukerfið. Aðeins persónugreinanlegir einstaklingar mega taka þátt. Persónan má þó vera huldumaður. Allir sem spáð er dauða verða að vera raunverulegir einstaklingar.

Lokað verður fyrir skráningar 31.12.2008.

Dæmi um stuðlaútreikning:

A telur að þessir deyi árið 2009:

Helgi Hálfdanarson, þýðandi og lyfsali (1911), Steingrímur Hermannsson, stjórnmálamaður (1928) og Flosi Ólafsson, leikari (1929).

Stuðlarnir eru: 1,11 x 1,28 x 1,29 = 1,83.

B telur að þessir deyi:

Örnólfur Thorlacius, fjölfræðingur (1931), Raggi Bjarna, söngvari (1934) og Jón Baldvin Hannibalsson, stjórnmálamaður (1939)

Stuðlarnir eru: 1,31 x 1,34 x 1,39 = 2,44

Sjálf set ég fram þessa spá:

Á árinu 2009 deyja: Helgi Hálfdanarson, þýðandi og lyfsali (1911), Jónas Kristjánsson, bloggari (1940) og Örnólfur Thorlacius, fjölfræðingur (1931) og Edda Heiðrún Bachman (1957). Stuðullinn er 3,20.