20. mars 2007

Bikar af blóði


Fyrir fáeinum árum komst í tísku að hampa tilfinningum. Heimspekingar og sálfræðingar drógu augu í punga og mæltu íbyggnir að það væri nú heilmikið vit í tilfinningum, að gamla andstæðan á milli tilfinninga og skynsemi væri mýta.

Það má vel vera að það sé vit í tilfinningum. Hitt er þó augljóst að fólk sem flaggar tilfinningum sínum af hvað mestum móð, fer yfirleitt sparlega með vitið.

Ef þið trúið mér ekki, kíkið í Barnaland. Barnaland er þverskurður mannlífskæfunnar - skáskorinn þannig að hann þykkist eftir því sem neðar dró í dósinni.

Sértu í leit að tilfinningum, bornum á borð, þá ferðu ekki í geitarhús að leita ullar í Barnaland. Þar er snökt, grátið, hlegið, flissað, frussað, æmt, æjað, óað, dæst og sogið upp í nefið af áfergju. Öllum er boðið að vera með.

Stundum er mannlífsmýktin svo mikil að prinsessan sem fann baunina í gegnum þrjátíu dýnur hefði ekki hugboð um hina kræklóttu hnúða sem leynast undir flauelsmýkt yfirborðsins. En því mýkra sem yfirborðið er, því myrkari eru álarnir, hrökkálarnir, sem leynast undir.

Þótt engin ástæða sé til að efast um að vit leynist í tilfinningum Barnlendinga eins og annarra þá er ískyggilegt að sjá hversu miklir þrælar þeir eru, húskarlar eigin ólgandi undiröldu. Barnlendingar tala stundum í alvöru um að morð virðist eðlilegur leikur í einhverri tiltekinni stöðu.

Nú nýverið tók vansælt fituhjass sig til í eymd sinni og leitaði á náðir Barnalandsins. Hún bað um hjálp. Og til að kóróna verkið, lýsti hún fjálglega skorti og örvæntingu. Hún gekk svo langt að ljúga upp á sig smábarn sem lægi hungrað í móðurkjöltu og biði dúsunnar.

Tilfinningarnar blésu byrnum undir vængi Barnlendinga og það marraði í heimabönkum og skrjáfaði í ljósleiðurum þegar seðlarnir skriðu um þá á áfangastað. Fitufóðraðir lófar hins lymskufulla svikara tóku áfjáðir við þeim á milli þess sem ítrekuð neyðarköll voru send út En upp komast svik um síðir. Sannleikurinn kom í ljós. Hún átti ekkert barn. Hún hafði svikið út fé.

Ásjónur Barnlendinga hörðnuðu í einu vetfangi og ókennilegur glampi kom í augun. Svik! Prettir! Hefnd! Já, nú skyldi hefnt!

Á augabragði gleymdist öll sú eymd og ónot sem sannarlega höfðu knúið svikarann af stað. Henni bar engin vorkunn, engin miskunn. Flett skyldi ofan af henni. Hún kærð, niðurlægð, myrt!

Birtar voru myndir af henni og systur hennar, heimilisfang foreldra þeirra, rifjaðar upp ósómasögur og hún sögð ill - ill frá æxlun. Hálfgerður Damien. Hýenunurnar söfnuðust saman og hvæstu og geltu. Eggjuðu hverja aðra til að taka bita af hlussunni, grafa upp meiri skít, kæra, særa, æra!

Á milli spjótalaga heyrðist fliss, fruss og gnístran tanna. Í trylltum tilfinningadansi reyndu Barnlendingar að lemja eins og þeir gátu á fórnarlambinu, sem átti þetta allt skilið.

DV drap mann. Barnaland mun gera það sama. Það er bara spurning um tíma.

Ástæðan er sú sama. Sumum lætur betur að láta stjórnast af tilfinningum en viti. Eru með stælt, margþvælt og mikið notað tilfinningasamband, en vitið stöðugt utan þjónustusvæðis.

Sérhvert samfélag, sem vill leyfa sér að sökkva í fen ofsókna, hryllings og hörmunga þarf á svona fólki að halda.

65 ummæli:

Nafnlaus sagði...

þetta þótti mér ákaflega skemmtileg lesning...og hana nú..

Kv,Gústi Svangi..

Nafnlaus sagði...

Bravó! ;)

Nafnlaus sagði...

Ágætt. Bandstrik þó ofnotað. Þú byrjar alltof oft á sögnum. Textinn verður þá kannski háfleygari en hann þyrfti að vera.

Nafnlaus sagði...

reyndar kallast þetta þankastrik en ekki bandstrik.

-gottlieb

Nafnlaus sagði...

þetta var mestaravel skrifað.

og hvað græddirðu svo mikið á barnalandsprettunum?

Nafnlaus sagði...

En það var bara eitt bandstrik?

Nafnlaus sagði...

Stundum er betra að þegja,og leyfa öllum að halda að maður sé heimskur,en að opna munninn og beinlínis sanna það!!!

Nei maður segir bara svona...:):)

Kv..Gústi Svangi...

Nafnlaus sagði...

Vitið utan þjónustusvæðis. Það er flott líking.

Nafnlaus sagði...

Leiðinlegt að Mengella gerir sig seka um ritstuld.

Nafnlaus sagði...

"sökkva í fen ofsókna"

Þvílík uppskafning.

kv. sme

Nafnlaus sagði...

Ég er orðinn gríðarlega forvitinn um þetta Barnalandsdæmi en ætla samt ekki að láta eftir mér að kíkja þangað inn, mér finnst gott að lifa í blekkingunni um að fólk séu ekki algjör fífl.

Valtýr/Elvis2

Nafnlaus sagði...

Ritstuld? Stolið frá hverjum?

Hermann Stefánsson sagði...

hiphipheyr. Mergjað fyrirbæri þetta barnaland, alls ekki við hæfi barna.

Nafnlaus sagði...

Nú getur svo verið að þeir lesendur þínir sem töldu starf þitt á barnalandi hafa stafað af illkvittni og hroka verði fyrir miklum vonbrigðum þegar þeir átta sig á hversu fórnfús og göfug þú ert í raun. Fólk hefur gegnum tíðina lent í því að vera úthrópað dýrlingar fyrir minna en að laða skaðræðis híenur burt frá særðum bömbum. Hvort sem því líkaði betur eða verr.

Nafnlaus sagði...

Par ces deux grands yeux noirs, soupiraux de ton âme,
Ô démon sans pitié! verse-moi moins de flamme;
Je ne suis pas le Styx pour t'embrasser neuf fois,

Hélas! et je ne puis, Mégère libertine,
Pour briser ton courage et te mettre aux abois,
Dans l'enfer de ton lit devenir Proserpine!

Anna sagði...

Mig langar að kommenta hérna en ég er þess ekki verðug. Þessi síða er of mikil snilld.

Nafnlaus sagði...

Ef svívirðingar á netinu jafngilda morði þá ertu komin í þína eigin heimahöfn Mengella.

Nafnlaus sagði...

Er ekki bráðum tími til að óska mengella góðrar ferðar og frama á nýjum slóðum? Og nota tækifærið til að þakka fyrir ágætis skemmtan á þessari síðu. Þér er ekki hollt að fá meira hól enda óþarfi.

Nafnlaus sagði...

Ef ég næ nokkurn veginn kjarnanum í þessu; er það slæmt að láta stjórnast af tilfinningum en ekki viti? Nema hvort tveggja sé og maður láti stjórnast af vitrænum tilfinningum? Eða eru vitrænar tilfinningar ekki til? Ef svo, eru allar tilfinningar þá vitlausar? Og ef það er svarið, er það vitleysa að hafa tilfinningar?

Stúdent.

Nafnlaus sagði...

Vantar tilfinnanlega orðið tilfinningagreind í pistilinn.

Nafnlaus sagði...

mikið var að einhver kemur með góða frásögn af því hvernig þetta er í alvöru á þessum svo kallaða barnavef!

Nafnlaus sagði...

Fyrir hvað er verið að hrósa Mengellu? Þessi pistill er uppfullur af málvillum, röngum beygingum og alls kyns steypu. Hún er enginn Laxness, það er víst.

Nafnlaus sagði...

Hvernig væri nú að nefna dæmi um alla þessa vitleysu sem fyllir pistilinn, Laxness?

Nafnlaus sagði...

Þeir sem stunda Barnaland móta vefinn - Mengella á heiðurinn af mörgum óþverranum sem er á barnalandi.is!

Ekki kasta steini úr glerhúsi!

Nafnlaus sagði...

Þessi Gústi svangi má nú fara að skíta í píkuna á sér.

Anna sagði...

Það er verið að hrósa henni fyrir skemmtilega útfærslu á áhugaverðum hugsunarhætti þótt óvinsæll sé. Sjálf hef ég ákaflega gaman af svörtum húmor og köldu mati á raunveruleikanum og ég geri mér grein fyrir að flest af þessu er heldur ó-PC (ef ég má sletta). Það er allt í lagi. Ég þoli ekki fólk sem er PC því að það er hrætt við annað.
Auðvitað er þetta ekki fullkomið blogg frekar en hvað annað en það er svo sannarlega betra en 99% af ruslinu sem finnst þarna úti. Fyrir það er ég a.m.k. að hrósa henni.

Nafnlaus sagði...

"Fyrir hvað er verið að hrósa Mengellu? Þessi pistill er uppfullur af málvillum, röngum beygingum og alls kyns steypu. Hún er enginn Laxness, það er víst."

Þvílíkur hálfviti. Það er allt í lagi að reyna að ráðast á Mengellu en að reyna að gera það með svona augljósri þvælu. Kommon.

Sá sem heldur að þessi pistill sé uppfullur af villum sannar það eitt að hann/hún veit ekkert í sinn haus þegar kemur að íslensku. Í fljótu bragði er málfarið villulaust, að vísu lætur hún "að ljúga uppá" stjórna þolfalli en ekki þágufalli, en það meikar alveg sens.

Reynið að höggva í eitthvað sem stenst aularnir ykkar. Næg eru skotmörkin samt.

Nafnlaus sagði...

Megas, slappaðu af!

Nafnlaus sagði...

Gústi, þú ert sorglegasta grúppía sögunnar.

Nafnlaus sagði...

"Fyrir hvað er verið að hrósa Mengellu? Þessi pistill er uppfullur af málvillum, röngum beygingum og alls kyns steypu. Hún er enginn Laxness, það er víst."

HA HA HA..... anonymous, þú ert fífl.

Nafnlaus sagði...

?

Nafnlaus sagði...

Honum er spurn. Hann er hvumsa!
Það er ekki hægt að hafa hann svona.

Nafnlaus sagði...

Þolmynd í stað germyndar?

Nafnlaus sagði...

Jáh, það er meira í hans stíl, skiluru.

Nafnlaus sagði...

Það er greinilegt að allt Barnalandspakkið hefur elt þig hingað til að gjamma eins og litlir hvolpar yfir öllu sem þú skrifar, magnað helvíti!

Valtýr/Elvis2

Nafnlaus sagði...

Helvítis Barnaland.........

Hermann Stefánsson sagði...

Byltingin í Barnalandi, eða Innrás ónefndu bloggaranna.

Hermann Stefánsson sagði...

Lifi byltingin!

Nafnlaus sagði...

http://www.flautublasarinn.blogspot.com/

Nafnlaus sagði...

http://en.wikiquote.org/wiki/Mitch_Hedberg

Nafnlaus sagði...

www.flautublasarinn.blogspot.com

Nafnlaus sagði...

Valtýr og Elvis. Rétt að benda ykkur á staðreyndir: Þið búið á Barnalandi.

Nafnlaus sagði...

Það er ástæða til að óska Flautublásaranum til hamingju. Nú er leiknum lokið og verður ekki bloggað hér framar. My cover is blown. The game is afoot.

Nafnlaus sagði...

Tregawöttin svokölluðu er ómerkilegur hópur. Rétt eins og Nýhil.

Allt í lagi, kannski voru bestu greinarnar skrifaðar af honum Eiríki Norðdahl (mikil ósköp), en hinir krakkarnir á bak við Mengellu, þrátt fyrir góðan og einlægan vilja til þess að verða eins og átrúnaðargoðið þeirra, eru bæði illa skrifandi og ófrumlegir - því miður… - upp til hópa.

Hvaða nautn fæst eiginlega út úr því að stunda persónulegar aðdróttanir í garð fólks sem hefur ekkert gert á hlut þessara einstaklinga. Ég bara spyr?

Og fyrir hvað stendur þessi hópur? Eins konar eilíft úthróp sem hljómar einhvern veginn eins og: „Við erum bestir, niður með alla hina.“ (Er það múgsefjun?)

Ég segi nú bara eins er: Það ætti að taka svona óféti, rassskella ykkur öll duglega og kenna ykkur mannasiði. Og hafið nú manndóm og sóma til þess að biðjast afsökunar þar sem það á við. Ekki bara koma með yfirlýsingu á borð við: „My cover is blown, the game is afoot.“ Það er ekkert annað en klisja. (Þið eruð nú sérfróð um klisjur annarra, ekki satt?)

Ég hvet hér með alla sem þetta lesa, og eru sama sinnis, til þess að sniðaganga þessa höfunda, bækurnar þeirra, og forlagið sem þau standa fyrir. Tregawöttin er ómerkilegur hópur - rétt eins og Nýhil.

Þið getið fundið ykkur margt gagnlegra til þess að eyða peningunum í.

En örvæntið ekki, Mengellurnar mínar, þið eigið væntanlega einn tryggan kaupanda, í honum „Gústa svanga“ - aðdáanda #1.

Kveðjur,

Yðar Einlægur. (Ekki Barnlendingur)

Ps.
Vonandi notaði ég ekki of mörg þankastrik, því slíkt væri nú klisja…

Nafnlaus sagði...

hlorridi said...

"Fyrir hvað er verið að hrósa Mengellu? Þessi pistill er uppfullur af málvillum, röngum beygingum og alls kyns steypu. Hún er enginn Laxness, það er víst."

HA HA HA..... anonymous, þú ert fífl.

------

Ég ætla að fá að vera sammála 'hlorridi'. Ekki veit ég betur en að einmitt Laxness hafi haft eigin stafsetningar og málreglur....

Annars: ég hef sagt það áður og segi enn og aftur Mengella er skemmtilegur penni sama hver það er

Nafnlaus sagði...

Mengella er afskaplega mistækur penni og dettur niður í ömurlega sjálfsupphafningu, tilgangs- og innihaldslausa stæla og kjaftavaðal sem jafnvel myndi sóma sér vel hjá Nýhil eins og þarsíðasti nafnleysingi benti á. Síðan dettur hún fullkomlega úr karakter í kommentunum og fer út í drepleiðinlegt nöldur og sjálfsupptekið og ómerkilegt skítkast sem stundum varðar við lög en hefur ekkert með góða persónusköpun að gera. Það er ekki nema sjálfsagt að hunsa bækur Nýhil-manna, allra með tölu og rassskella liðið líka, alveg óháð því hvort hópurinn tengist þessu dóti hér og kasta þeim skít í hann sem látinn er ókastaður hér. En það eru fínir sprettir hérna sem má hafa gaman af og þetta væri nokkuð gott ef svona helmingnum væri hent.

Nafnlaus sagði...

Sæl(l/ir/ar) Mengella,

Það er gaman að lesa blogg sem ekki er skrifað af ritsóða. Þú/þið hefur /hafið þokkalegt vald á málinu þó textinn sé stundum tilgerðarlegur. Þess vegna er skrítið að höfundur/höfundar haldi sig inni í skáp eins og kjarklaus hommi.
Þú/þið notar/notið stundum skemmtilegt myndmál. Eina myndina á ég þó erfitt með að skilja. Þú/þið segir/segið einhverja menn draga „augu í punga“. Ég er mikið búin(n) að velta vöngum yfir hvað átt er við. Að sjálfsögðu þýðir þetta að hver maður um sig dragi bæði augu eitthvert en ekki bara annað augað, það hlýtur öllum að vera ljóst. Og ef þeir hefðu dregið augu í pung, nú þá væri merkingin ljós. En spekingarnir þínir virðast draga hvert auga í marga punga. Það þykir mér merkilegt og á erfitt með að sjá fyrir mér. Við hvað er átt?

Kv.
Anonymous

Iceland Today sagði...

að lesa þessi komment hérna er eins og að stíga inn fjaðrafok i hænsnakofa

fólk ýmist að öfundast út í ritfærni þess sem hér bloggar, segja húrra eða panikka yfir skoðununum...

nokkuð svipuð stemmning og á barnalandi...

Nafnlaus sagði...

Ég er Barnaland.

Nafnlaus sagði...

Aðeins nákvæmara. Ég er allir bestu pennar Barnalands.

Nafnlaus sagði...

Telst Hildur góður penni??

Nafnlaus sagði...

Hildur er sjúklega góð. Eins og við öll.

Nafnlaus sagði...

En hvað með kenningu mína um að Mengella sé Páll Hilmarsson? Er hún ekki að ná hylli?

Nafnlaus sagði...

Vertu úti.

Nafnlaus sagði...

(geisp)

Nafnlaus sagði...

- væruði vinsamlega til í að hætta að haga ykkur eins og þið séuð snargeðbiluð? -

Nafnlaus sagði...

брашура для молодых родиелей.
Мы даем удобное пособие которое поможет всем
обучающимся родителям познать как заботлевее ухаживать за вашим малышом посетите http://rubebi.ru
Извините что может не в ту тему написал. но не нашел раздел общения
Двадцатая неделя беременности : Энциклопедия для родителей

Nafnlaus sagði...


[url=http://shenenmaoyii.shutterfly.com/][b]sac longchamp[/b][/url]
[url=http://www.shensacens.sitew.us/#Page_1.A][b]sac longchamp[/b][/url]
[url=http://shenenmaoyis.blogcindario.com/2012/12/00002-enfants-poufs-chaises.html][b]sac longchamp[/b][/url]
[url=http://www.shenenmao.sitew.us/#Page_1.A][b]sac longchamp[/b][/url]
[url=http://shensacen.eklablog.com/][b]sac longchamp[/b][/url]

Nafnlaus sagði...

[url=http://www.freewebs.com/sydney-order-amitriptyline-50-mg/]order amitriptyline Melbourne
[/url]Sydney purchase amitriptyline 75 mg online
buy endep 75 mg online
buy endep Melbourne
london order amitriptyline 10 mg
london purchase endep 25 mg online

Nafnlaus sagði...

top [url=http://www.001casino.com/]casino bonus[/url] check the latest [url=http://www.casinolasvegass.com/]casino games[/url] unshackled no store hand-out at the best [url=http://www.baywatchcasino.com/]free bonus casino
[/url].

Nafnlaus sagði...

We [url=http://www.casinovisa.com]craps online[/url] be suffering with a large library of unqualifiedly unconditional casino games in regard to you to monkey tricks opportunely here in your browser. Whether you pine for to unaccustomed a mesa recreation plan or scarcely attempt exposed a occasional late slots once playing for real in dough, we possess you covered. These are the exact uniform games that you can with at true online casinos and you can join in them all in requital for free.

Nafnlaus sagði...

[url=http://amoxicilline.webs.com/]amoxicilline 1000 mg en ligne
[/url][url=http://acheter-amoxicilline.webs.com/]traitement endocardite amoxicilline
[/url] amoxicilline yoghurt
amoxicilline et vomissement
amoxicilline augmentin

Nafnlaus sagði...

sB8C9i http://www.lvsaconline.monwebeden.fr vY3L2i sacs louis vuitton jS1I3t [url=http://www.lvsaconline.monwebeden.fr]louis vuitton sac[/url]
nS9W7x http://www.francesaclouisvuittonn.info dQ3E8x louis vuitton pas cher nK3Z2x [url=http://www.francesaclouisvuittonn.info]louis vuitton site officiel[/url]
pH1P7s http://purseshops.webnode.com cQ6X5p louis vuitton purses mS7T0z [url=http://purseshops.webnode.com]louis vuitton handbags outlet[/url] kD2B4x
gW1C7t http://www.outletlvhandbagsus.info hB7Z2f louis vuitton outlet lK4U4e [url=http://www.outletlvhandbagsus.info]louis vuitton outlet[/url]
lF9R9w http://buyhandbagnet.webnode.fr eY0N7l sac louis vuitton lH6Z0w [url=http://buyhandbagnet.webnode.fr]sac louis vuitton pas cher[/url]
tB0X8p http://www.lvbagsoutlet2013.com tX1S4w louis vuitton handbags lJ4G6b [url=http://www.lvbagsoutlet2013.com]louis vuitton handbags[/url]

Nafnlaus sagði...

http://biaxin-buy.webs.com/ buy clarithromycin online
http://sustiva-efavirenz.webs.com/ purchase Efavirenz 200 mg online
http://asacol-mesalamine.webs.com/ asacol 800 mg hd
http://www.freewebs.com/pentasa-mesalamine/ Lialda

Nafnlaus sagði...


У меня вот какая проблема. Я познакомился с дефчонкой в инете.Мы решили встречаться если понравимся друг другу на первой встрече .Мы встретились и она мне очень понравилась.Я думал что и я ей, но на следующий день сколько я не званил ей на мобильник она ни разу не взяла трубку.Вечером встретил ее в инете она сказала что вырубила звук болела и весь день спала.Я не поверил ей Потом спрасил почему она не дает свой номер домашний .Она начала обьсянять что родители будут ругаться.Я сказал ей ,вернее хотел продолжить мысль но она вышла из инета.Но я оставил свою фразу типа она не берет трубку специально что бы с мной не лобщаться не знаю видела она эту фразу.С тех пор мы не общались не по телефону ни в инте.а теперь мне с каждым днем хуже и хуже.Кажеться я схожу с ума
[url=http://mp3lists.ru/][color=#E4F4FE] [/color][/url]